Error message

Strict warning: Only variables should be passed by reference in main_menu() (line 228 of /var/www/html/aramram/sites/all/modules/custom/aramram/aramram.module).

مشاركة المرأة بالحوار الإجتماعي

#لعبة_أرقام

مشاركة المرأة بالحوار الإجتماعي

نصف سكان البلد إناث. ٩٩٪ منكم بين عمر ١٥- ٢٤ بيقرأو وبيكتبوا. بتشكلو أكثر من ٥٠٪ من نسبة طلاب الكليات والجامعات!
22٪ من اقتصادنا الرسمي مبني على مشاركة المرأة، وعلى الأرجح هاي النسبة بتزيد لما نحسب الاقتصاد الغير رسمي.
إذن ليش مع كل هل علم والمشاركة بالحياة العملية ما منسمع صوتكم بمواضيع اقتصادية أو سياسية؟
صرلنا سنتين منتبع على مشاركة المرأة بالحوار الإجتماعي، والنتيجة إنه نسبة المشاركة بتخزي. كثير كثر كثرير واطية. أقل من ٥٪ من كل التعليقات على المواضيع السياسية والاقتصادية.
لغز والله.
فكرنا المشكلة مننا وحاولنا نعيد صياغة المواضيع والأسئلة وتعمدنا مخاطبتكم… من تاء التأنيث، لمذيعات لقصص مرأة. ولا إشي!
ونحن المواضيع اللي منطرخها بتمس الضريبة، الشركات الصغيرة والمتوسطة، الإنتخابات، الفساد، المواصلات، الحصول عالتمويل! يعني مواضيع بتخص كل الأردنيين.
حتى المواضيع اللي ممكن تأثر على الإناث أكثر، زي الحضانات والمواصلات ومشاركة المرأة بالتعليم، منلاقي الرجال بردوا وبناقشوا وبيفتوا... وإنتوا، وما بتشاركوا، لا خبرات ولا تجارب ولا آراء. شو السيرة؟ شو السر وراء هالصمت الغريب؟